I juni i år sende Utdanningsdirektoratet ut ei høyring med framlegg om å ta bort førebuingsdelen til skriftleg eksamen frå januar 2025. Den viktigaste årsaka til framlegget er utviklinga innan maskinlæring og språkmodellar (KI).
Høyringsnotatet, der òg merknadane frå FUG kjem fram, kan du laste ned nedst på sida.
Generelt negativ
Høyringa stiller innleiingsvis spørsmål om høyringssinstansen er generelt positiv eller generelt negativ. FUG har svara «generelt negativ» på dette spørsmålet, og grunngjeve dette mellom anna med at opplæringa jamfør opplæringslova skal opne dørene for verda og framtida og at rammeverket for opplæringa slår fast at «Digitale ferdigheter utvikles gjennom å bruke digitale ressurser…».
