Biletet syner fleire elevar på veg inn i eit skolebygg
Kunnskapsdepartementet har fremja forslag om reglar for fysisk inngriping frå ansatte i skolen mot elevar. Hensikta er at reglane skal bli ein del av den nye opplæringslova innan denne tek til å gjelde, truleg hausten 2024. Reglane inneheld òg føresegner om førebyggande arbeid og dokumentasjon. Reglane skal òg bli ein del av privatskolelova.
FUG har i dag svara på høyringa av framlegget til lovreglar. FUG har gjeve si støtte til at dette skal regulerast særskild i opplæringslova sjølv om reglane i det store og heile er ei klargjering av dei reglane som gjeld i dag etter anna lovverk.
Heile høyringsnotatet og alle høyringssvara kan ein lese HER.
FUG har fleire spørsmål
I sitt høyringssvar har FUG gjeve si tilslutning til forslaget om å ha eigne reglar for fysisk inngriping mot elevar i opplæringslova og privatskolelova, men utvalet har samstundes stilt nokre spørsmål som dei meiner det er naudsynt å få avklaring på, mellom anna om heimelen for fysisk inngriping blir vidare enn reglane som gjeld i dag og om ikkje nye reglar gjev nye utfordringar med implementering.
Heile høyringssvaret frå FUG kan lastast ned nedst på sida.
