Om FUB
Foreldreutvalet for barnehagar (FUB) er eit nasjonalt utval av foreldre med barn i barnehage som er oppnemnd av Kunnskapsdepartementet.
Vi meiner at eit godt samarbeid mellom foreldre og barnehage skaper ein trygg og god kvardag for våre minste. Målet er det same anten du står på innsida eller utsida av barnehageporten; alle barn i barnehagar skal få eit så godt tilbod som mogleg.
Kva gjer FUB?
Vi skal sikre at foreldrestemma høyrest i aktuelle barnehagepolitiske saker og at Kunnskapsdepartementet har eit rådgivande organ. FUB skal jobba etter følgjande hovudmål: «Samarbeidet mellom heim og barnehage skal bidra til at alle barn i barnehage får eit best mogleg tilbod.»
Dette er noko av det vi i FUB jobbar med:
- Informere foreldre om og hjelpe dei med rettane deira og korleis dei kan påverka barnehagekvardagen.
- Hjelpe barnehagar med informasjon og rettleiing.
- Vere foreldrestemma og høyringsinstans for Kunnskapsdepartementet.
- Sikre at foreldreperspektivet kjem tydeleg fram i høyringar og lovverk.
- Styrke foreldreengasjementet og foreldrepåverknaden i barnehagen.
- Rådgiving til lokale foreldreutval som FAU og SU.
- FUB får tildelingsbrev frå Kunnskapsdepartementet kvart år. Her kan du lesa tildelingsbrevet for 2024.
- På lik linje med alle statlege og kommunale organ, skriv FUB kvart år ei årsmelding på bakgrunn av året som har gått. Les årsrapporten vår for 2023.
- Her finn du revisjonsmeldinga for 2023.
Kven er FUB?
Foreldreutvalet for barnehagar vart for første gong oppnemnt av Kongen i statsråd sommaren 2010 og dei første utvalsmedlemmene kom saman 1. august same år.
FUB sin administrasjon består av kompetente rådgivarar med lang erfaring frå barnehagesektoren. Vi flytta i 2019 til i Bø i Telemark, etter ni år i Oslo.
Marianne Dahlseng
kontorleiar
Materiell for foreldre og ansatte
Her kan du lasta ned materiell som er nyttig for barnehagetilsette og for deg med barn i barnehage.
